நினைத்தேன்...

உன்னை மறக்க நினைத்தேன்...

மறந்தும் நினைத்து விடுவேனோ என்ற பயத்தில்,

தினமும் நினைத்து கொண்டிருந்தேன்,

உன்னை மறக்க வேண்டும் என்று...

அன்பே சிறையோ.. ?

"உனக்குள் உள்ள அன்பை வெளியில் காண்கிறாய் .."
ஆம்.. கண்டதும் மகிழ்ச்சி மட்டும் மேவுமாயின் சரி ..
ஆனால் உள்ளுக்குள் ஏனோ கிளர்ச்சி...
எங்கும் நிறைந்திருக்கும் காற்றை ஓர் பைக்குள் அடைத்து
"காற்று எனக்கே சொந்தம்" ... என்பது போல்..
உன் அன்பு முழுதும் எனக்கு மட்டுமே என்கிறேன் ..

ஆசை இல்லாமல் அன்பு மட்டும் இருந்தால்..
எதிர்பார்ப்புகள் இல்லாமல் சேவை மட்டும் இருந்தால்..
கடமையை செய்து பலனை எதிர்பாராத
மனதை இறைவன் கொடுத்திருந்தால்..

ஏமாற்றங்கள் இல்லை.. துன்பமும் இல்லை..
உலகம் அன்பு மயமாய்.. இன்ப மயமாய் ...
இருக்கும் நாள் என்று வருமோ..